भारतमा भइरहेको १९ वर्षमुनिको साफ च्याम्पियनसिपको नेपाल सेमिफाइनलमा प्रवेश गरेको छ ।
अरुणाञ्चलको गोल्डेन जुबिली रङ्गशालामा हिजो भएको खेलमा नेपालले श्रीलङ्कालाई ५–० ले हराउँदै नेपाल एक खेल अगावै सेमिफाइनलमा पुगेको छ ।
यो समूहबाट नेपाल र भारत सेमिफाइनलमा प्रवेश गर्दा श्रीलङ्का भने बाहिरिएको छ । यसअघि समूह ‘बी’ को पहिलो खेलमा भारतले श्रीलङ्कालाई ८–० गोल अन्तरले पराजित गरेको थियो ।
नेपालले अब भोलि भारतसँग खेल्नेछ । यो खेल जित्यो भने जित्यो भने नेपाली टोली समूह विजेता बन्नेछ । नेपालले सन् २०१५ मा भएको पहिलो संस्करण र सन् २०१७ को १८ वर्षमुनिको संस्करण जितेको थियो ।