अमेरिकाको मेटलाइफ रंगशालामा भएको प्रि सिजन मैत्रीपूर्ण खेलमा आइतबार बार्सिलोनाले रियाल म्याड्रिडलाई २-१ ले पराजित गरेको छ।
बार्सिलोनालाई जित दिलाउनका लागि पाउ भिक्टर एक्लैले २ गोल गरेका थिए। खेलको ४२ औं मिनेटमा भिक्टरको गोलमार्फत बार्सिलोनाले अग्रता लिएको थियो । उनले रोबार्ट लेवान्डोस्कीको पासमा गोल गरेका हुन् ।
त्यस्तैगरि एलेक्स भ्यालको पासलाई सदुपयोग गर्दै ५४ औं मिनेटमा भिक्टरको दोस्रो गोलमा बार्सिलोनाले अग्रता दोब्बर बनायो ।
पाउले ८२ औं मिनेटमा अर्दा गुलरको पासमा गोल गर्दै रियललाई खेलमा फर्काउने प्रयास गरे पनि रियलले हार बेहोर्नु परेको हो।
