आइसीसी टि२० विश्वकप अन्तर्गत नेपाल र श्रीलंकाबीचको समूह डी को खेल वर्षाको कारण रद्द भएपछि दुवै टोलीले १-१ अंक बाँडेका छन् ।
फ्लोरिडास्थित ब्रोआर्ड काउन्टी मैदानमा विहानदेखि निरन्तर वर्षाका कारण मैदान भिजेको थियो । बेलुकी ७:३० बजे तिर वर्षा रोकिएपनि मैदानको अवस्था नाजुक भएकोले खेल हुन नसके पछि नेपालले २ खेलमा १ अंक पाएको छ।
यस समूहमा दक्षिण अफ्रीका ३ खेलमा ६ अंकका आठ सुपर ८ प्रवेश गरिसकेको छ । बंगलादेश र नेदरल्यान्ड्सको २ खेलमा २-२ अंक छ । ३ खेलमा १ अंक जोडेको श्रीलंका भने प्रतियोगिताबाट लगभग बाहिरिएको छ । नेपालले भने शुक्रबार दक्षिण अफ्रीका र आइतबार बंगलादेशसंग भिड्नु पर्ने छ ।
