काठमाडौँ, असार ३० गते ।
नेपालले एसीसी महिला यू–१९ प्रिमियर कपको क्वार्टरफाइनलमा जापानको सामना गर्ने भएको छ ।
नेपाल समूह ‘डी’को विजेता तथा जापान समूह ‘ए’ को उपविजेताका रूपमा क्वार्टरफाइनल खेल्ने भएका हुन् ।
नेपाल र जापानबीचको खेल बिहीबार मलेसियाको वाइएसडी यूकेएम ओभलमा नेपाली समयअनुसार बिहान ११ः४५ मा सुरु हुनेछ ।
समूह चरणमा नेपालले शतप्रतिशत जित निकालेको थियो । नेपालले कतार, सिंगापुर र हङकङलाई हराएको थियो ।
