काठमाडौँ, बैशाख ४ गते ।
विभागीय टिम त्रिभुवन आर्मी क्लबले तेस्रोपटक प्रधानमन्त्री कप एकदिवसीय क्रिकेट प्रतियोगिताको उपाधि जितेको छ ।
शुक्रबार आर्मीले फाइनलमा सुदूरपश्चिलाई पाँच विकेटले पराजित गर्दै प्रधानमन्त्री कपको उपाधि जितेको हो ।
आर्मीले प्रधानमन्त्री कपको उपाधि जितेको यो तेस्रोपटक हो । यसअघि आर्मीले सन् २०१७ र सन् २०२१ को संस्करण जितेको थियो ।
सुदूरले दिएको १६२ रनको लक्ष्य आर्मीले ३४।३ ओभरमा ५ विकेटको क्षतिमा पूरा गर्यो । आर्मीका लागि इमरान शेखले अविजित ४६ रन बनाए भने बसिर अहमदले ४५ रन बनाए ।
