काठमाडौँ, चैत २५ गते।
नेपाली राष्ट्रिय महिला टिमकी मिडफिल्डर प्रिती राई कम्बोडीयन क्लबमा आबद्ध भएकी छन् ।
उनले कम्बोडियाको प्रेह खान रिच स्वाय रिएङ एफसीसँग आगामी सिजनका लागि सम्झौता गरेकी हुन्।
क्लबले कम्बोडियाको शीर्ष डिभिजनको लिग कम्बोडियन वुमन्स लिग खेल्छ।
प्रिति २०२६ को लिगका लागि आबद्ध भएकी हुन्। लिगमा आठ टोलीले प्रतिस्पर्धा गर्नेछन्।
यसअघि प्रितिले गत सिजन जोर्डनको महिला प्रो लिग खेलेकी थिइन्।
