काठमाडौँ, फागुन २७ गते।
राष्ट्रिय लिग फुटबलमा न्युरोड टिम (एनआरटी) र लालिगुराँस एसोसिएसनले बराबरी खेल्दै अंक बाँडेका छन् ।
बुधबार एन्फा कम्प्लेक्समा भएको खेलमा एनआरटी र लालिगुराँसले १-१ गोलको बराबरी खेलेका हुन् ।
बराबरीसँगै १९ अंक जोडेको एनआरटीले प्रतियोगितामा १० खेल खेल्दा पाँच जित, चार बराबरी र एक हार व्यहोरेको छ ।
लालीगुराँसले पनि प्रतियोगितामा पाँचौँपटक बराबरी गरेको हो । बराबरीसँगै प्रतियोगितामा २० अंक जोडेको लालीगुराँसले १० खेल खेल्दा समान पाँच जित र बराबरी गरेको छ ।
आइतबार एन्फा मुख्यालयमा एनआरटीले २६औँ मिनेटमा टोलीका अञ्जन विष्टको गोलमा अग्रता लिएको थियो । तर, अन्तिम समय सम्हालिन नसक्दा एनआरटीले यो अग्रता गुमाएको थियो । ९० औँ मिनेटमा आशिष गुरुङले गोल गर्दे लालीगुराँसलाई खेलमा फर्काएका थिए ।
