वेस्ट इन्डिज ‘ए’ ले एक खेल बाँकी छँदै नेपाल विरुद्धको टि-२० सिरिज उपाधि जितेको छ । बिहिवार भएको चौथो खेलमा पनि जित दर्ता गर्दै पाहुना टोलीले एक खेल अगावै ३-१ ले सिरिज जितेको हो ।
पहिलो खेलमा हार बेहोरेको वेस्ट इन्डिज ‘ए’ ले लगातार तेस्रो जित निकाल्ने क्रममा नेपाललाई २८ रनले पराजित गरेको हो । वेस्ट इन्डिजले दिएको २१० रनको विशाल लक्ष्य पछ्याएको नेपाल इनिङको अन्तिम बलमा १८१ रनमा अल आउट भएको थियो। नेपालका लागि कप्तान रोहित पौडेलले ४७ बलमा ७ चौका र ५ छक्का प्रहार गर्दै सर्वाधिक ८२ रन बनाउँदा रोहित बाहेकका अन्य ब्याटरले भने राम्रो रन बटुल्न नसक्दा नेपालले हार बेहोर्नु परेको हो ।
