लुम्बिनी अन्तर्राष्ट्रिय म्याराथनको उपाधि तीर्थ पुनले जितेका छन् । शनिबार सम्पन्न भएको म्याराथनमा पुनले निर्धारित ४२ दशमलब १९५ किलोमिटरको दुरी २ घण्टा २० मिनेट ४९ सेकेन्डमा पूरा गर्दै उपाधि जितेका हुन्।
उनले उपाधिसँगै नगद ५ लाख रुपैयाँ पनि प्राप्त गरेका छन् । त्यस्तै २ घण्टा २१ मिनेट ११ सेकेन्डमा दौड पूरा गर्दै खड्कबहादुर खड्का दोस्रो हुदा नगद ३ लाख रुपैयाँ पाए भने २ घण्टा २२ मिनेट ४६ सेकेन्डमा दुरी पार गरेर तेस्रो भएका दुर्गाबहादुर बुढाले २ लाख रुपैयाँ प्राप्त गर्न सफल भएका छन्।
