काठमाडौं, असोज १० गते।
आगामी महिना भारतसँग हुने मैत्रीपूर्ण फुटबल खेलको तयारीका लागि नेपाली महिला फुटबल टोलीको प्रारम्भिक टोली सार्वजनिक गरिएको छ। नव नियुक्त मुख्य प्रशिक्षक नवीन न्यौपानेले प्रारम्भिक चरणमा ३५ खेलाडीलाई छनोट गरेका छन्। न्यौपाने बिहीबार मात्रै मुख्य प्रशिक्षकको जिम्मेवारी सम्हालेका हुन्।
नेपाली महिला टोलीले आउँदो अक्टोबर २६ (कात्तिक ९) मा भारतको सिक्किममा भारतविरुद्ध मैत्रीपूर्ण खेल खेल्ने तय भएको छ। यो खेल नेपाली महिला फुटबल टोलीको अन्तर्राष्ट्रिय तयारी र रणनीति परीक्षणका लागि महत्वपूर्ण अवसर मानिएको छ।
टोलीमा नेपालको यू-२० टोलीबाट खेलेका केही प्रतिभाशाली खेलाडीहरू पनि समावेश छन्। यसमा पूर्णिमा राई, मिना देउवा, सुक्रिया मियाँ, लीला जोशी लगायतका युवा खेलाडीहरू छन्। यसले आगामी वर्षका लागि नेपाली महिला फुटबलको भावी आधार तयार पार्ने दृष्टिले महत्वपूर्ण रहेको प्रशिक्षक न्यौपानेले बताएका छन्।
नेपाली महिला टोलीको प्रारम्भिक सूची:
एञ्जिला तुम्बापो सुब्बा, अञ्जना राना मगर, उषा नाथ, सुषिला चौधरी, लीला जोशी, निशा थोकर, समीक्षा घिमिरे, मन माया दमाई, प्रतिक्षा चौधरी, विमला बिक, पूजा राना, अमृता जैसी, सजनी ठोकर, हिरा कुमारी भुजेल, नेहा कुमारी चौधरी, बिमला चौधरी, अनिता बस्नेत, रेनुका नगरकोटे, प्रीति राई, सरु लिम्बु, सबिता राना मगर, सरस्वती हमाल, चन्द्रा भण्डारी, अनिता केसी, हिमा राउत, दीपा शाही, तुलसा बोहरा, सेनु परियार, सुक्रिया मियाँ, रश्मी कुमारी घिसिङ, रेखा पौडेल, मीना देउवा, पूर्णिमा राई, जेनिफर मगर, साबित्रा भण्डारी।
प्रशिक्षक न्यौपानेले टोली चयन प्रक्रियामा खेलाडीहरूको प्रदर्शन, फिटनेस र भविष्यको सम्भावनालाई प्राथमिकता दिएका छन्। उनी भन्छन्, “यस टोलीले आगामी खेलहरूमा उत्कृष्ट प्रदर्शन गर्ने मात्र नभई नेपाली महिला फुटबलको स्तर उकास्नेछ। नयाँ खेलाडीहरूलाई अवसर दिँदै, हामीले लामो समयसम्म प्रतिस्पर्धात्मक टोली निर्माण गर्ने लक्ष्य राखेका छौं।”
नेपाली महिला टोलीको यो मैत्रीपूर्ण खेलले भारतसँगको अन्तर्राष्ट्रिय अनुभव जुटाउने मात्र नभई आगामी प्रतियोगिताहरूका लागि तयारीका रूपमा पनि महत्व राख्छ।
