नेपालको युवा टोलीले चीनको युनान प्रान्तको युवा टोलीसँग मैत्रीपूर्ण फुटबल खेल्ने भएको छ ।
अखिल नेपाल फुटबल संघ (एन्फा) ले उक्त मैत्रीपूर्ण खेलका लागि बुधबार नेपालस्थित चिनियाँ दूतावाससँग सम्झौता भएको जानकारी गराएको छ ।
सम्झौता पत्रमा एन्फाका महासचिव किरण राई र दूतावासका उपप्रमुख वाङ जिनले हस्ताक्षर गरे ।
खेल आगामी फेब्रुअरी १५ मा त्रिपुरेश्वरस्थितत दशरथ रंगशालामा हुनेछ । आयोजकको रूपमा एन्फाले आवश्यक सम्पूर्ण प्राविधिक सहयोग उपलब्ध गराउने छ ।
यस्तै युनान खेलकुद ब्युरो र राष्ट्रिय खेलकुद परिषद् (राखेप) ले दूतावाससँगको सहकार्यमा सहयोग गर्ने छन् ।
