नेपाल पुलिस क्लबका दुई जोडी सातौं राष्ट्रिय बिच भलिबल प्रतियोगिताको उपाधिका लागि भिड्ने भएका छन्।
पुलिसको दुवै टोलीले शुक्रवार सेमिफाइनलमा एपिएफ क्लबको जोडीलाई हराएको हो ।
काभा महिला बिच भलिबलको स्वर्ण पदक विजेता जोडी कमला पुन र मनिषा चौधरीको एपिएफ क्लबका रस्मिता दुरा र जस्ना महतोको जोडीलाई २२-९, २१-५ ले हराउँदै उपाधि नजिक पुगेको हो। कमला र मनिषाकि साउनमा भुटानमा भएको काभा बिचमा च्याम्पियन बनेको थियो।
सिन्धुपाल्चोकको चौतारा सागाँ चोकगढी नगरपालिकाको सुकुटेस्थित भोटेकोशी बिच रिसोर्टमा शुक्रवार पुनम चन्द र कामना विष्टको जोडीले एपिएफका निरुता ठगुन्ना र नेविका चौधरीको जोडीलाई २२-२०,२१-१७ ले हराउँदै आफ्नै क्लबको जोडीसँगको भेट पक्का गरेको छ। तेस्रो स्थान र फाइनल शनिवार हुनेछ।
नेपाल भलिबल संघको वार्षिक कार्यक्रममा रहेको च्याम्पियनसिपलाई जिल्ला भलिबल संघ सिन्धुपाल्चोक र सिन्धु सुकुटे पर्यटन व्यवसायी संघले आयोजना गरेको हो।
