माल्दिभ्समा हुने काभा यु-२० महिला भलिबल च्याम्पियनसिप २०२४ को खेल तालिका सेन्ट्रल एसियन भलिबल एसोसिएसन (काभा) ले मंगलबार सार्वजनिक गरेको छ ।
सार्वजनिक तालिका अनुसार नेपालले आफ्नो पहिलो खेल १८ जुलाई (साउन ३) गते श्रीलंकासँग खेल्ने भएको छ । चार राष्ट्रले प्रतिस्पर्धा गर्ने प्रतियोगिताको दोश्रो खेल नेपालले १९ जुलाई (साउन ४) गते कीर्गिस्तानसँग खेल्ने छ । त्यस्तैगरी नेपालले तेश्रो खेल २० जुलाई (साउन ५) गते माल्दिभ्ससँग भएको छ। प्रतियोगिताका खेलहरु सिंगल राउण्ड रोविनका आधारमा खेलाइने छ ।
नेपाली टोलीमा :
सलिना बुढा मगर, जेनिशा विश्वकर्मा, एलिसा मानन्धर, निशा महर, भावना तामाङ, एन्जिला प्रधान, निशा चौधरी, आरती चौधरी, मिना सुनार, अनुषा चौधरी, स्नेहा ठगुन्ना र आशिका क्षेत्री रहेका छन्।
नेपाली टोलीको मुख्य प्रशिक्षकमा कुमार राई र सहायक प्रशिक्षकमा अर्जुन घिमिरे तथा व्यवस्थापकमा जुनु पुन मगर रहेका छन् भने नेपाली टोली जुलाई १६ (साउन १) गते खेलका लागि माल्दिभ्स जाने तयारीमा रहेको छ।
