काठमाडौँ, असार ८ गते ।
१२ औँ अन्तर्राष्ट्रिय योग दिवस नेपालमा पनि आज विभिन्न कार्यक्रम आयोजना गरी मनाइएको छ । योग दिवसको अवसरमा शिक्षा तथा खेलकुद मन्त्रालयले पनि विभिन्न कार्यक्रम आयोजना गरी मनाएको छ।
कार्यक्रमको अवसरमा त्रिपुरेश्वस्थित दशरथ रगशालाको कभर्डहलमा योगा गराइएको थियो । योगा कार्यक्रममा नेपाल सरकारको मुख्य सचिव सुमनराज अर्याल लगायतको सहभागिता रहेको थियो ।
संयुक्त राष्ट्रसङ्घको महासभाले सन् २०१४ मा गरेको निर्णयअनुसार सन् २०१५ जुन २१ देखि अन्तर्राष्ट्रिय योग दिवस मनाउन थालिएको हो । सन् २०१६ देखि २१ जुनमा अन्तर्राष्ट्रिय योग दिवस विश्वभर मनाइएको थियो ।
नेपालमा २०३६ माघ १ गतेदेखि सूर्य उत्तरायण लाग्ने दिनको अवसर पारेर योग दिवस मनाउन थालिएको हो ।
