काठमाडौं जेठ २९ गते ।
प्रथम विश्व योगासाना खेलकुद प्रतियोगिताका पदक विजेता तथा सहभागी खेलाडी, प्रशिक्षक तथा निर्णायकहरुलाई राष्ट्रिय खेलकुद परिषद्का सदस्य–सचिव रामचरित्र मेहताले सम्मान गरेका छन् ।
सम्मान कार्यक्रममा शिक्षा तथा खेलकुद मन्त्रालयका सल्लाहकार राजु सिंह, नेपाल योगासन खेलकुद संघका पदाधिकारीलगायतको उपस्थिति रहेको थियो ।
जेठ २१ देखि २५ गनेसम्म भारतको अहदमाबादमा भएको प्रतियोगितामा नेपालले एक स्वर्ण, ३६ रजत र १५ कास्य पदकसहित ५२ पदक जितेको थियो ।
प्रतियोगितामा नेपालका दुर्गा पन्तले एक स्वर्ण, एक रजत र एक कास्य गरि ३ पदक जितेका थिए । प्रतियोगितामा भारत प्रथम भएको थियो भने नेपाल पाँचौ भएको थियो ।
