काठमाडौँ, जेठ ६ गते ।
नेपालले महिला अन्तर्राष्ट्रिय टी–२० शृंखलाको पहिलो खेलमा मलेसियाविरुद्ध दुई विकेटको कठिन जित दर्ता गरेको छ ।
मलेसियाले दिएको ६८ रनको लक्ष्य नेपालले १७.३ ओभरमा ८ विकेटको क्षतिमा पूरा गर्दै २ विकेटको जित निकालेको हो ।
नेपालका सम्झना खड्काले ३२ र रुवी पोदारले १५ रन बनाए ।
मलेसियाकी नुर कल्याशाले तीन विकेट लिइन् । आइसिया एलिसा र इल्सा हन्टरले समान दुई विकेट हात पार्दा नुर डानिया स्युहादाले एक विकेट लिइन् ।
