काठमाडौँ, माघ २८ गते।
नेपाल औषधि उत्पादक संघको आयोजनामा हुन लागेको दसौँ संस्करणको ‘नेपाल फर्मा एक्स्पो २०२६’ मा ’क्रिक्सल’ प्रतियोगिता हुने भएको छ।
संघले बुधबार पत्रकार सम्मेलन गर्दै आगामी फागुन ८ र ९ गते ’क्रिक्सल’ प्रतियोगिता आयोजना गर्न लागेको जानकारी दिएको हो। प्रतियोगितामा ८ वटा उद्योगहरूको सहभागिता रहने छ।
संघको पहिलो कार्यक्रम अन्तर्गत रहेको फुटसल प्रतियोगिता भने सफलता पूर्वक सम्पन्न भइसकेको छ। यही माघ २ र ३ गते भएको फुटसल प्रतियोगितामा भने १६ वटा उद्योगहरूको सहभागिता रहेको थियो।
“फर्मा मानवीनताः भोलिको स्वास्थ्यका लागि”भन्ने मूल नाराका साथ आगामी फागुन २८, २९ र ३० गते काठमाडौँको भृकुटीमण्डपमा ’नेपाल फर्मा एक्स्पो २०२६’ हुँदै छ।
