काठमाडौँ, माघ २३ गते ।
छैटौँ मेयर कप तथा १०औं केभिन रोहन स्मृति उपत्यकाव्यापी च्याम्पियनशिप कराँते प्रतियोगिता आजबाट शुरु भएको छ । दक्षिणकाली नगरपालिका स्थित वडा नं.१ चाल्नाखेलमा शुरु भएको हो।
यस प्रतियोगिताको उद्घाटन प्रमुख अतिथि दक्षिणकाली नगरपालिकाका नगर प्रमुख मोहन बहादुर बस्नेतले गरेका हुन्। प्रतियोगिता उद्घाटन कार्यक्रमलाई सम्बोधन गर्दै मेयर बस्नेतले पवित्र स्थल यस दक्षिणकालीमा खेल प्रतियोगिता आयोजना भएकोमा अत्यन्तै खुशी लागेको बताए। खेल व्यक्तिगत स्वास्थ्यको लागि र खेलको माध्यमबाट आफ्नो राष्ट्रलाई अन्तर्राष्ट्रियसम्म पु¥याउन अत्यन्त महत्वपुर्ण रहेको बताए। उनले आफ्नो क्षेत्रका खेलाडीहरु अन्तराष्टिय खेल सम्म पुग्न सफल हुन् भन्ने सुभेक्षा व्यक्त गदै खेलाडीहरुलाई शुभकामना व्यक्त गरे।
पुरुष र महिला गरी जम्मा २ सय खेलाडीहरु सहभागी रहेको अध्यक्ष विनोद गुरुङले बताए। कार्यक्रममा विशेष अतिथि उपप्रमुख बसन्ती डंगोललगायत अन्य क्षेत्रका अतिथिहरुको उपस्थित रहेको रहेको थियो । कार्यक्रम शनिबार सम्म संचालन हुनेछ ।
