काठमाडौं,कात्तिक १९ गते ।
आईसीसी विश्व क्रिकेट लिग–२ अन्तर्गत यूएईमा सम्पन्न एकदिवसीय (ओडिआई) शृंखलामा नेपालले निराशाजनक प्रदर्शन जारी राख्दै लगातार चौथो हार बेहोरेको छ । बुधबार सम्पन्न शृंखलाको अन्तिम खेलमा नेपाल यूएईसँग ४ विकेटले पराजित भएको हो ।
पहिले ब्याटिङ गरेको नेपालले निर्धारित ५० ओभरमा मध्यम स्कोर खडा गर्दै यूएईलाई २४० रनको लक्ष्य दिएको थियो । तर घरेलु टोली यूएईले उत्कृष्ट साझेदारीका दममा लक्ष्य पछ्याउन सफल भयो ।
यूएईका मुहम्मद शाहदादले ९६ रनको प्रभावशाली पारी खेले भने कप्तान मुहम्मद वासीमले ७६ रनको योगदान गरे । दुवैले चौथो विकेटका लागि १४७ रनको म्याच जिताउने साझेदारी गर्दै टोलीलाई जितको दारोमा पु-याए । यूएईले ५ बल बाँकी छँदा लक्ष्य पूरा गरेको थियो ।
यससँगै नेपालले शृंखला बिना जित समाप्त गरेको छ, भने टोलीको प्रदर्शनले आगामी खेलका लागि सुधारको आवश्यकता औंल्याएको छ ।
